Кірыл Ігаравіч Дубоўскі

Кірыл Ігаравіч Дубоўскі
Асабістыя звесткі
Дата нараджэння	2 верасня 1983(1983-09-02) (41 год)
Месца нараджэння	Мінск, БССР, СССР
Грамадзянства	Беларусь
Альма-матар	Беларускі дзяржаўны эканамічны ўніверсітэт
Прафесійная дзейнасць
Род дзейнасці	пісьменнік
Мова твораў	беларуская

Кірыл Ігаравіч Дубоўскі (нар. 2 верасня 1983, Мінск) — сучасны беларускі пісьменнік.

Біяграфія

Скончыў факультэт фінансаў і банкаўскай справы БДЭУ, па адукацыі эканаміст. Працаваў па спецыяльнасці, апошнія гады працуе ў IT-сферы. Жанаты.

Творчасць

Піша ў жанры кароткай прозы на рускай і беларускай мовах. Аўтар зборніка кароткай прозы «Харошы раман» («Логвінаў», 2012), прэзентацыя якога прайшла ў Галерэі «Ў» пры падтрымцы кампаніі «Будзьма беларусамі!».

«Адпачатку аўтар патлумачыў гасцям імпрэзы, чаму зборнік кароткай прозы ён назваў „Харошым раманам“. Такую назву носіць першае апавяданне кнігі, якое абвяргае вядомае сцвярджэнне пра тое, што любы, нават самы благі аўтар, можа напісаць адзін харошы раман пра сваё жыццё. Недарэчны герой „Харошага рамана“, малады графаман, гэтага не патрапіў. Не атрымалася ў яго і яшчэ адна рэч, у якой ён паспрабаваў быць арыгінальным, ахвяраваўшы сваім жыццём (якая менавіта рэч, пакуль расказваць не будзем, хай чытачы прачытаюць пра гэта самі). Нягледзячы на нібыта маркотную фабулу, апавяданні ў кнізе, уключна з „Харошым раманам“ вясёлыя, іранічна-саркастычныя.»

Узнагароды

Фіналіст конкурсаў маладых літаратараў да 100-годдзя газеты «Наша ніва» (Мінск, 2007), «Слово.doc» (Мінск, 2009), імя Ларысы Геніюш (Мінск, 2010).

Спасылкі

• Кніга «Харошы раман» (электронная версія)
• Асобныя творы на Літрадыё, у т.л. у аўтарскім выкананні
• Публікацыі ў часопісе «Дзеяслоў»: [1] Архівавана 19 чэрвеня 2013.[2] Архівавана 20 чэрвеня 2013.
• Пераклады на беларускую мову ў часопісе «Паміж»: [3] Архівавана 21 сакавіка 2013.[4] Архівавана 11 ліпеня 2012.